Aukin orlofsgæði á nýju ári

Á nýju ári bætist Ferðaávísunin og gjafabréf Icelandair við þau orlofsgæði sem félagar í Brú hafa aðgang að.

‍

Frá og með 1.janúar 2025 verður í boði fyrir félaga að kaupa gjafabréf í flug með Icelandair sem og kaupa Ferðaávísun sem nýtist í gistingu um land allt og fleira, til viðbótar við bústaði, útilegu- og veiðikort.

Gjafabréf Icelandair

Almennar upplýsingar:

• Hámarksfjöldi á ári: 2 stykki.
• Upphæð gjafabréfs 30.000 kr, verð til félaga: 22.000 kr.
• Punktafrádráttur fyrir hvert keypt bréf: 2 punktar.
• Gildir í 5 ár.
• Hver sem er getur nýtt gjafabréfið.
• Hægt er að nýta gjafabréfið upp í margar bókanir.
• Gilda upp í flug innan- og utanlands.
• Gjafabréfin eru rafræn og eru send félaga í tölvupósti með kóða.
• Gjafabréfin fást ekki endurgreidd.

Ferðaávísun

Ferðaávísunina er hægt að nota hjá:

• Um það bil 40 hótelum og gististöðum um land allt.
• 5 ferðaþjónustufyrirtækjum: Fjallafjöri, Ferðafélagi Íslands, Ferðafélagið Útivist, Af Stað ehf. og Guide to Europe.

Almennar upplýsingar:

• Niðurgreitt er 30% af keyptri upphæð.
• Hámarksniðurgreiðsla er 25.000 kr. fyrir árið 2025.
• Ef félagi hefur fullnýtt niðurgreiðsluna er þó alltaf hægt að kaupa meira án frekari niðurgreiðslu en fær samt áfram bestu kjörin á hótelinu.
• Þau hótel sem eru inn í Ferðaávísuninni skuldbinda sig til þess að bjóða upp á bestu kjörin miðað við það sem almennt er í boði.
• Er rafræn.
• Alltaf hægt að fá hana endurgreidda ef hún verður ekki notuð inn á Félagavefnum, fara undir; Valmynd, Ferðaávísun, Fá Ferðaávísun endurgreidda.

Hvernig bóka ég gistingu ?

• Hægt er að skoða framboð á gististöðum inn á www.stf.orlof.is
• Haft er beint samband við hótelið/gististaðinn sem viðkomandi hefur hug á því að gista á í gegnum síma eða í tölvupósti.
• ATH hvort það sé laust á eftirfarandi dagsetningum og láta vita að greitt verði með Ferðaávísun stéttarfélaga.
• Allar bókanir á hótelum/gististöðum vegna Ferðaávísana þurfa að fara fram í gegnum síma eða tölvupóst.
• Gengið er frá greiðslu við komu á hótelið/gististaðinn, þá nægir að gefa upp kennitölu og viðkomandi starfskraftur fer inn í kerfið og dregur upphæðina frá keyptri Ferðaávísun.
• Allar nánari upplýsingar um Ferðaávísunina má finna inn á Félagavefnum.

Hótel og gististaðir sem eru í samstarfi við Ferðaávísunina:

• Íslandshótel/Fosshótel/Grand hótel (mörg hótel um land allt)
• Berjaya Iceland Hotels og Hótel Edda (Natura Reykjavík, Berjaya Akureyri, Hótel Hérað, Berjaya Mývatn, Berjaya Höfn,Hótel Edda)
• Kea hótel Akureyri
• Center hótels
• Artic hótels  
• Hótel Siglunes
• Vogur Sveitasetur
• Landhótel
• Hótel Ísland
• Hótel Laugarbakki
• Hótel Katla
• Sigló hótel
• Reykjavík Lights  
• Storm hótel
• Hótel Grímsborgir
• Hótel Ísafjörður
• Konvin hótel  
• Hótel Heydalur
• Hótel Höfn
• Hótel Keflavík
• Hótel Vestmanneyjar
• Langaholt
• Hótel Breiðdalsvík
• Alba gistiheimili
• Hótel Norðurland
• Hótel Varmahlíð

Það eru alltaf að bætast við samstarfsaðilar inn í Ferðaávísunina, hægt er að skoða alla samstarfsaðila inn á Félagavefnum undir Ferðaávísun.

Á myndinni hér fyrir neðan má sjá staðsetningu hótela/gististaða vítt og breitt um landið:

‍